ალექსი პეტრიაშვილი: წინა წლებთან შედარებით, წინასაარჩევნო გარემო განსხვავებულია

news
ავტ.: news აგვისტო 26, 2016 12:27

ალექსი პეტრიაშვილი: წინა წლებთან შედარებით, წინასაარჩევნო გარემო განსხვავებულია

წინა წლებთან შედარებით, დღეს წინასაარჩევნო გარემო განსხვავებულია, – ამის შესახებ „თავისუფალი დემოკრატების“ ლიდერმა ალექსი პეტრიაშვილმა დღეს გამართულ პრესკონფერენციაზე განაცხადა.

მისი თქმით, წინასაარჩევნოდ დაძაბულობა არ არის ისეთი მაღალი, როგორიც იყო გასულ წლებში.

„იყო ცალკეული შემთხვევები, რომელზეც არ მოახდინა ხელისუფლებამ რეაგირება. ცალკეული შემთხვევების რეაგირების გარეშე დატოვები გამო, შეიძლება ითქვას, რომ გაჩნდა განცდა, რომ სექტემბერი ტრადიციულად ცხელი შეიძლება იყოს”,-აღნიშნა ალექსი პეტრიაშვილმა.

ამასთან, პეტრიაშვილის თქმით, „თავისუფალმა დემოკრატებმა“ გააკეთეს რამდენიმე განცხადება საოლქო საუბნო კომისიების დაკომპლექტების საკითხთან დაკავშირებით.

“ხელისუფლებამ და ცენტრალურმა საარჩევნო კომისიამ ყველაფერი გააკეთა, რომ კომისიები ყველგან დაკომპლექტდეს ახლობლებით, ნათესავებით, მეგობრებით, მხარდამჭერებით. ეს თუ მხოლოდ იმისთვის არის, რომ საკუთარი რესურსი დაზოგონ, ერთი საქმეა, მაგრამ ყველა მცდელობას ხელისუფლების მხრიდან, 8 ოქტომბერს არჩევნები გააყალბოს, ძალიან მწვავე რეაგირება და პასუხი ექნება“, – განაცახდა პეტრიაშვილმა.

news
ავტ.: news აგვისტო 26, 2016 12:27

Google სტატისტიკა


2,517
ვიზიტორი
დღეში
Powered By Google Analytics