ალექსეი დანილოვი აცხადებს, რომ „იარაღის კონტრაბანდის“ შესახებ გაკეთებულ განცხადებასთან დაკავშირებით უკრაინა ევროპოლისგან ფაქტებსა და მტკიცებულებებს ელოდება

უკრაინის ეროვნული უსაფრთხოებისა და თავდაცვის საბჭოს მდივანი ალექსეი დანილოვი აცხადებს, რომ „იარაღის კონტრაბანდის“ შესახებ გაკეთებულ განცხადებასთან დაკავშირებით უკრაინა ევროპოლისგან ფაქტებსა და მტკიცებულებებს ელოდება.

ამის შესახებ დანილოვმა სოციალურ ქსელ „ტვიტერში“ დაწერა.

„ველოდებით საგნობრივ საუბარს ევროპოლის ოფიციალურ წარმომადგელებთან – ფაქტებით და მტკიცებულებებით უკრაინიდან „შავ ბაზარზე იარაღითა და სამხედრო პროდუქციით ვაჭრობის“ თითქოსდა არსებული შემთხვევების შესახებ განცხადებებთან დაკავშირებით. მაქსიმალურად დაინტერესებული ვართ ინფორმაციის გავლით და მყისიერი რეაგირებით“, – წერს დანილოვი.

საბჭოს მდივანი აღნიშნავს, რომ დასავლურ მედიაში „იარაღის კონტრაბანდის“ შესახებ პუბლიკაცია დაემთხვა რუსეთის მიერ უკრაინის დისკრედიტაციისკენ მიმართული მასშტაბური საინფორმაციო სპეცოპერაციის დაწყებას, რომლის მიზანია მოკავშირეებისგან იარაღის მიწოდების შეწყვეტა.

დანილოვის განცხადებით, ოპერაცია ტარდება სწორედ იმ პერიოდში, როდესაც ომის მიმდინარეობისას უკრაინის შეიარაღებული ძალების სასარგებლოდ ცვილებების ნიშნებია სწორედ თანამედროვე დასავლური შეიარაღების მიღების შედეგად.

წინა სტატიაშიდასავლელ პარტნიორებზე თავდასხმა მოგონილი თემაა – ვოლსკი
შემდეგი სტატიარომელი პრეზიდენტიც კი გვყოლია, ამჟამინდელის ჩათვლით, ყველას აქვს კონსტიტუციური კომპლექსი, ვინმე თუ დააპირებთ პრეზიდენტობას, ჯერ წაიკითხეთ კონსტიტუცია – წულუკიანი