მე, როგორც გიორგი გახარიას გუნდის წევრი და თანამოაზრე, დღეიდან დამოუკიდებელ მაჟორიტარ დეპუტატად გავაგრძელებ საქმიანობას, – ამის შესახებ პარლამენტის წევრმა ალექსანდრე მოწერელიამ პარტია „ქართული ოცნების“ დატოვების შემდეგ განაცხადა.
მისი თქმით, დღეს საქართველოს სჭირდება დაპირისპირების დასრულება და ახალი დღის წესრიგი.
„როგორც იცით, მივიღეთ პარტია „ქართული ოცნების“ დატოვების გადაწყვეტილება. მე, როგორც გიორგი გახარიას გუნდის წევრი და თნამოაზრე, დღეიდან ჩემს საქმიანობას გავაგრძელებ როგორც დამოუკიდებელი მაჟორიტარი დეპუტატი. აგრეთვე, აქტიურად ვიქნები ჩართული პარტიის მშენებლობის პროცესში. დღეს საქართველოს სჭირდება ამ დაპირისპირების დასრულება და ახალი დღის წესრიგი. ჩვენ უნდა გვახსოვდეს, რომ ჩვენი ქვეყნის ყველაზე მწვავე პრობლემა არის ოკუპაცია. პანდემიიდან, ეკონომიკური კრიზისიდან გამომდინარე, ჩვენი დევნილი მოსახლეობის მდგომარეობა კიდევ უფრო მძიმდება, შესაბამისად, ჩვენი ამოცანა არის ამ ადამიანებზე განსაკუთრებული ზრუნვა. დღეს ჩვენს ქვეყანას სჭირდება სახელმწიფოს მშენებლობაში ახალ ეტაპზე გადასვლა, ძლიერი სახელმწიფო ინსტიტუტები, რეგიონების გაძლიერება. ჩვენ უნდა მოვუსმინოთ ჩვენი მოქალაქეების მოთხოვნებს, მათთან აქტიური კომუნიკაცია უნდა გვქონდეს და უნდა გადავდგათ შესაბამისი ქმედითი ნაბიჯები“, – განაცხადა ალექსანდრე მოწერელიამ.
