რუსი გენერალი ალექსანდრე დვორნიკოვი, მეტსახელად „ალეპოს ჯალათი“, მხედველობიდან გაქრა. ის არსად გამოჩენილა ბოლო ორი კვირის განმავლობაში, რაც იწვევს ვარაუდს, რომ ის აღარ არის უკრაინაში რუსეთის საოკუპაციო ძალების სათავეში. ამის შესახებ უკრაინული მედია The New York Times-ზე დაყრდნობით წერს.
დვორნიკოვი დაინიშნა მეთაურად, რათა გაეუმჯობესებინა რუსული არმიის პოზიცია. მან თანამდებობა აპრილის პირველ ნახევარში დაიკავა.
როგორც გამოცემა წერს, შესაძლოა, დვორნიკოვი ფარულად მოხსნეს სარდლობისგან. მიუხედავად იმისა, რომ გენერალი ცდილობდა ქვედანაყოფების ერთობლივი მუშაობის დამყარებას, სტრატეგიულ წარმატებას ვერ მიაღწია.