ალეკო ელისაშვილი : ბოკერია და უგულავა საბოტაჟით არიან დაკავებული, უნდათ, ჩაშალონ ყველაფერი, რადგან ვერ მოხვდნენ პარლამენტში

admin
ავტ.: admin დეკემბერი 9, 2020 13:13

ალეკო ელისაშვილი : ბოკერია და უგულავა საბოტაჟით არიან დაკავებული, უნდათ, ჩაშალონ ყველაფერი, რადგან ვერ მოხვდნენ პარლამენტში

ბოკერიას პარტია დადის იმ შეხვედრებზე მხოლოდ იმიტომ, რომ გარეთ გამოიტანოს დეტალები. ილაპარაკოს, აურიოს, საბოტაჟით არიან დაკავებული, რომ ჩაშალონ ყველაფერი, რადგან ვერ მოხვდნენ პარლამენტში ბოკერია და უგულავა, – ამის შესახებ „მოქალაქეების“ ლიდერმა, ალეკო ელისაშვილმა საკუთარ ფეისბუქლაივში ისაუბრა.

მისი თქმით, „ევროპული საქართველოს“ მიზანია, ყველაფერი ჩაშალოს.

„განსაკუთრებით თავგამოდებულები იყვნენ ბოკერიას პარტიაში, არიქა, ელისაშვილი შევიდა პარლამენტში, ფული აიღოო. ორი პრინციპი მაქვს, რითაც პოლიტიკაში რაღაცებს ვაკეთებ. ყოველთვის გავაკეთებ იმას, რასაც სინდისი და ქვეყნის ინტერესი მკარნახობს. ყოველთვის გავაკეთებ იმას, რისიც მჯერა და მწამს. ხელფასის იქით არც ერთი თეთრი არასდროს მიმიღია. ვერ წარმომიდგენია ადამიანი, რომელიც მოვა და ფულზე დამიწყებს საუბარს, ცოცხალი ვერ გამასწრებს. ეს ყველამ კარგად იცის. მოლაპარაკებებს რაც შეეხება, ელჩები გვეუბნებიან, მოდით, პროცესს ნუ დააზიანებთ, გარეთ თუ გავა ის, რაზეც აქ ვსაუბრობთ, პროცესი დაზიანდება და შეთანხმებამდე ვერ მივალთო, ეს ძალიან მარტივია. იქ რაღაც თანამდებობებს და ფულს კი არ ვითხოვთ. მე რომ სიტყვას ვაძლევ, მისი ერთგული ვარ, განსხვავებით სხვა პარტიებისგან. ბოკერიას პარტია დადის იმ შეხვედრებზე მხოლოდ იმიტომ, რომ გარეთ გამოიტანოს დეტალები, ილაპარაკოს, აურიოს ყველაფერი, საბოტაჟით არიან დაკავებულები, რომ ჩაშალონ ყველაფერი, რადგან ვერ მოხვდნენ პარლამენტში ბოკერია და უგულავა. ამიტომ უნდათ, ყველაფერი არიონ. თავი მოეჭრათ ერთს ზუგდიდში, მეორეს – ფოთში. წავიდა ნიკო ნიკოლაძესავით ბოკერია და ექვსი პროცენტი აიღო ფოთში, რა ეგონა, რას იზამდა. ახლა უნდათ, ყველაფერი აურიონ და ჩაშალონ. მე არ მინდა, ჩავშალო“, – განაცხადა ელისაშვილმა.

admin
ავტ.: admin დეკემბერი 9, 2020 13:13

Google სტატისტიკა


5,155
ვიზიტორი
დღეში
Powered By Google Analytics