თურქეთის ქალაქ ბოდრუმში ორ სირიელს ოთხი წლით თავისუფლების აღკვეთა მიუსაჯეს, რომლებიც სირიიდან ლტოლვილების ზღვით გადასვლას უწევდნენ ორგანიზებას, მათ შორის, სამი წლის ალან კურდის, რომელიც ოჯახთან ერთად ზღვაში დაიხრჩო.
დაღუპული ბავშვის შოკისმომგვრელმა ფოტოებმა როგორც საზოგადოებაში, ასევე პოლიტიკოსებში აღშფოთება გამოიწვია.
სირიის მოქალაქეები მუსტაფა ალაბაში და ასემ ალფრხადი ლტოლვილების არალეგალური გადაყვანის ორგანზებაში არიან ბრალდებული, მაგრამ გამართლდნენ გაუფრთხილებლობით ადამიანების დაღუპვის შესახებ წაყენებულ ბრალში.
შეგახსენებთ, რომ ქალაქ ბოდრუმში 2 სექტემბერს სამი წლის ალან კურდის გვამი იქნა ნაპოვნი, რომელიც ოჯახთან ერთად ნავით მიემართებოდა ბერძნული კუნძულისკენ. ბიჭუნას დედა და 5 წლის ძმაც მასთან ერთად დაიღუპნენ. გადარჩა მხოლოდ მამა.