ახმედ ჩატაევთან კავშირის ბრალდებით თურქეთში დაკავებულ გოჩა საგინაძეს სასამართლომ პატიმრობა მიუსაჯა

ქეთი ფერაძე
ავტ.: ქეთი ფერაძე იანვარი 10, 2018 11:31

ახმედ ჩატაევთან კავშირის ბრალდებით თურქეთში დაკავებულ გოჩა საგინაძეს სასამართლომ პატიმრობა მიუსაჯა

ახმედ ჩატაევთან კავშირის ბრალდებით თურქეთის ქალაქ ტრაბზონში დაკავებულ გოჩა საგინაძეს სასამართლომ პატიმრობა მიუსაჯა. მის მეუღლეს კი გათავისუფლება და თურქეთიდან დეპორტაცია ელოდება.
თურქული გამოცემა „მილიეტის“ინფორმაციით, საგინაძის სახლში ჩატარებული ჩხრეკისას ამოღებულია ფოტომასალა, რომელიც სირიაში ტერორისტულ საქმიანობაში მის მონაწილეობას ადასტურებს.
სუს-ის მიერ დაახლოებით ორი კვირის წინ გავრცელებული ინფორმაციით, 26 დეკემბერს, ტრაბზონის პროვინციაში, ოფის მახლობლად, საქართველოს მოქალაქე გოჩა (ალი) საგინაძე ახმედ ჩატაევის საქმის გამოძიების ფარგლებში საქართველოს სახელმწიფო უსაფრთხოების სამსახურის მიერ მიწოდებული ინფორმაციის საფუძველზე დააკავეს.

თურქი სამართალდამცველებისთვის გადაცემული ინფორმაცია, საქართველოს სახელმწიფო უსაფრთხოების სამსახურის მიერ მოპოვებული იყო ახმედ ჩატაევის კუთვნილი მობილური ტელეფონიდან, რომელიც თბილისში, ბერი გაბრიელ სალოსის ქუჩაზე მდებარე საცხოვრებელი ბინიდან ამოიღეს.

ქეთი ფერაძე
ავტ.: ქეთი ფერაძე იანვარი 10, 2018 11:31

Google სტატისტიკა


4,431
ვიზიტორი
დღეში
Powered By Google Analytics