რუსთავში მცხოვრები კორონავირუსით ინფიცირებული ახალგაზრდა მამაკაცის მამა, რომელიც წარმოშობით ლაგოდეხის მუნიციპალიტეტის სოფელ ქვემო გურგენიანიდან არის, ამასწინათ მშობლიურ სოფელში იყო ჩასული. ახალი კორონავირუსის სიმპტომებით მამაკაცი ლაგოდეხის ე.წ. ცხელების ცენტრში მოათავსეს. მისი ბიოლოგიური მასალა გამოსაკვლევად ლუგარის ლაბორატორიაში გაიგზავნება. პასუხს სავარაუდოდ ხვალ ელოდებიან. ამ დროისთვის ინფიცირებული ახალგაზრდის ოჯახის 15-მდე კონტაქტია მოძიებული, ისინი თვითიზოლაციაში იმყოფებიან.
ავტორი: ლალი ხუბულავა