ახალგაზრდა მამაკაცმა ურთიერთშელაპარაკების შედეგად საკუთარ ძმას ცივი იარაღით რამდენიმე ჭრილობა მიაყენა

თაიმერი timer.ge
ავტ.: თაიმერი timer.ge მარტი 6, 2019 22:15

ახალგაზრდა მამაკაცმა ურთიერთშელაპარაკების შედეგად საკუთარ ძმას ცივი იარაღით რამდენიმე ჭრილობა მიაყენა

ბაკურიანში მკვლელობა მოხდა. ახალგაზრდა მამაკაცმა ურთიერთშელაპარაკების შედეგად საკუთარ ძმას ცივი იარაღით რამდენიმე ჭრილობა მიაყენა. 30 წლამდე მამაკაცი საავადმყოფოში მიყვანამდე გარდაიცვალა.

როგორც “თაიმერს” შინაგან საქმეთა სამინისტროში განუცხადეს, სამცხე-ჯავახეთის პოლიციის დეპარტამენტის თანამშრომლებმა, დაბა ბაკურიანში მომხდარი, დამამძიმებელ გარემოებებში ჩადენილი განზრახ მკვლელობა გახსნეს.

„დაკავებულია 1999 წელს დაბადებული მამაკაცი. პოლიციამ ბრალდებული დანაშაულის ჩადენიდან მალევე, დაბა ბაკურიანში დააკავა. უწყების ინფორმაციით, ბრალდებული ჩადენილ დანაშაულს აღიარებს.შსს–მ ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ფაქტზე გამოძიება საქართველოს სისხლის სამართლის კოდექსის 109-ე მუხლის მე-2 ნაწილის “ვ” ქვეპუნქტით დაიწყო. დანაშაული 13-იდან 17 წლამდე ვადით თავისუფლების აღკვეთას ითვალისწინებს”, – აცხადებენ შსს-ში.

თაიმერი timer.ge
ავტ.: თაიმერი timer.ge მარტი 6, 2019 22:15

Google სტატისტიკა


17,180
ვიზიტორი
დღეში
Powered By Google Analytics