ბიძინა ივანიშვილის შვილი ცოტნე ივანიშვილი „ქართული ოცნების“ ახალგაზრდულ ორგანიზაციას მოუწოდებს, რეგიონული კონფერენციების ფორმატს მუდმივი და გრძელვადიანი ხასიათი მისცენ. რუსთავში გამართულ შეხვედრაზე ივანიშვილმა აღნიშნა, რომ მსგავსი პლატფორმები ხელს შეუწყობს ქვეყანაში ხელოვნურად შექმნილი პოლარიზაციის აღმოფხვრასა და ახალგაზრდებს შორის მუდმივი დიალოგის დამკვიდრებას.
ცოტნე ივანიშვიმა კითხვით მიმართა „ქართული ოცნების“ ახალგაზრდული ორგანიზაციის ბორდის წევრებს, თუ როგორ გეგმავენ ამ ფორმატის გაფართოებას მას შემდეგ, რაც რეგიონული შეხვედრები თბილისში, დასკვნითი ღონისძიებით დასრულდება.
„ძალიან მიხარია, რომ აპირებთ შემოიაროთ სრულიად საქართველო… ფიქრობთ თუ არა, რომ უნდა გაგრძელდეს მსგავსი ტიპის ფორმატი ახალგაზრდებთან? როგორ ხედავთ უფრო მუდმივ, გრძელვადიან ფორმატს, იმას, რომ დიალოგი დაკანონდეს ახალგაზრდებს შორის და აღმოვფხვრათ ეს ხელოვნურად შექმნილი პოლარიზაცია ქვეყანაში“, — აღნიშნა ცოტნე ივანიშვილმა.
