სირიაში, დამასკოს ახლოს მდებარე აღმოსავლეთ გუტადან დღეს დაახლოებით 12 ათასი ადამიანი გავიდა იმის შიშით, რომ სამთავრობო ჯარები მორიგ თავდასხმას განახორციელებს ქალაქზე. მშვიდობიანი მოსახლეობა გადის სპეციალურად შექმნილი ჰუმანიტარული დერეფნიდან. დამასკო ირწმუნება, რომ ოპოზიციური ძალები, რომელიც ქალაქშია გამაგრებული, ადგილობრივებს ცოცხალ ფარად იყენებენ.
18 თებერვლიდან ქალაქში 1100-ზე მეტი მშვიდობიანი მოსახლეა გარდაცვლილი. აღმოსავლეთ გუტა თითქმის სრულიად განადგურებულია.
