თემქაზე მომხდარ მკვლელობაში ბრალდებულს პოლიციის მთავარი სამმართველოში ბრალს ოფიციალურად დღეს წარუდგენენ. პროცესს მისი ადვოკატი დაესწრება. როგორც ის ამბობს მან არც ის იცის, აღიარებს თუ არა დაკავებული ბრალს.
,,დღეს წარუდგენენ ბრალს. ამის შემდეგ უკვე შეირჩევა დაცვის პოზიცია, არის დასაცავი ეს ბავშვი თუ არა. ნამდვილად იყო მოულოდნელი და თავზარდამცემი. შოკირებული არიან. წარმოუდგენელია, ნორმალური ფსიქიკის ადამიანზე ამან არ იმოქმედოს,“- ამბობს ლადო გრიგალაშვილის ადვოკატი ნაიარა ოტიაშვილი.