ადვოკატი – კონსილიუმმა თემირლან მაჩალიკაშვილის ტრანსპორტირება დასაშვებად ცნო

თაიმერი timer.ge
ავტ.: თაიმერი timer.ge იანვარი 3, 2018 16:46

ადვოკატი – კონსილიუმმა თემირლან მაჩალიკაშვილის ტრანსპორტირება დასაშვებად ცნო

თემირლან მაჩალიკაშვილის მდგომარეობის შესაფასებლად კიდევ ერთი კონსილიუმი გაიმართება.

მეორე კონსილიუმი წმინდა მიქაელ მთავარანგელოზის სახელობის საავადმყოფოში რამდენიმე წუთის წინ დასრულდა.

მაჩალიკაშვილების ოჯახის ადვოკატის, მარიამ კუბლაშვილის განცხადებით, კონსილიუმმა პაციენტის ტრანსპორტირება დასაშვებად ცნო და კლინიკებთან მოლაპარაკების შემდეგ მას სხვა ქვეყანაში გადააფრენენ. თუმცა საავადმყოფოს კლინიკური მენეჯერი ზაზა ლურსმანაშვილი აცხადებს, რომ კონსილიუმზე სხვადასხვა მოსაზრებები გამოითქვა, საბოლოო გადაწყვეტილების მისაღებად სპეციალისტები კიდევ ერთხელ შეიკრიბებიან.

მისი თქმით, უცხოეთიდან მოწვეული სპეციალისტი ნეიროქირურგია, მან ჩატარებული ოპერაცია და მკურნალობა დადებითად შეაფასა, თუმცა ტრანსპორტირების მიმართულებით გადაწყვეტილება რეანიმატოლოგებმა უნდა მიიღონ.

„თუ დადგება ტრანსპორტირების საკითხი, რა ტქმა უნდა ავტომობილით მისი გადაადგილება კიდევ უფრო მაღალ რისკებთან იქნება დაკავშირებული, ბუნებრივია, ეს მოხდება საჰაერო გზით, თუმცა საბოლოო გადაწყვეტილება ჯერ კონსილიუმს არ მიუღია. იყო ძალიან აქტიური მსჯელობა. ამ პროცესებში ჩართულია ჯანდაცვის სამინისტრო. მოგვიანებით კიდევ შედგება კონსილიუმი და მიიღება საბოლოო გადაწყვეტილება. საჭიროა, ამ საკითხის ძალიან კარგად შესწავლა და პაციენტის მდგომარეობის ადეკვატურად შეფასება, ასევე იმ შეფასება, რაც შეიძლება ახლდეს მის ტრანსპორტირებას”, – განაცხადა ექიმმა ზაზა ლურსმანაშვილმა.

თაიმერი timer.ge
ავტ.: თაიმერი timer.ge იანვარი 3, 2018 16:46

Google სტატისტიკა


3,408
ვიზიტორი
დღეში
Powered By Google Analytics