რუსეთის ჩრდილოეთ ფლოტის ავიამზიდი ჯგუფი, რომლის შემადგენლობაშიც შედიან ხომალდები “პეტრე დიდი” და “ადმირალი კუზნეცოვი”, ხმელთაშუაზღვის დასავლეთ ნაწილში იმყოფებიან და სირიის სანაპიროზე მანევრირებენ – “ადმირალ კუზნეცოვის” მეთაურმა სერგეი არტამონოვმა რუსეთის ტელევიზიის ეთერში განაცხადა.
ეს დამრტყმელი ჯგუფი 2014 წლიდან ყველაზე მსხვილია, რომელიც ევროპის სანაპიროზე გამოჩნდა. ის სირიაში რუსეთის სამხედრო ჯგუფს შეავსებს.
