საქართველოს მთავრობის ადმინისტრაციის შენობასთან სპეც დანიშნულების რაზმის მობილიზება მიმდინარეობს.
კანცელარიის ეზოში უკვე შევიდა რამდენიმე ყვითელი ავტობუსი. განსაკუთრებულ დავალებათა დეპარტამენტის ბაზიდან კიდევ ათობით ავტობუსი ადმინისტრაციის შენობისკენ ამ წუთებში მიემართება.
სპეცრაზმის მობილიზება სავარაუდოდ, რუსთაველის გამზირზე ოპოზიციური პარტიების მიერ დაგეგმილ საპროტესტო აქციას უკავშირდება, სადაც ოპოზიციის ლიდერები დღეს, 19:00 საათზე, სამოქმედო გეგმას წარადგენენ.
ოპოზიციაში ამბობენ, რომ მმართველმა გუნდმა არჩევნები ისევ მიიტაცა და ბრძოლის ახალ ეტაპზე გადასვლას აანონსებენ.