ადიგენის რაიონში, დერცელის მთაზე ხანძრის ლოკალიზება რთული რელიეფის გამო, ამ დრომდე ვერ ხერხდება. როგორც პირველ არხს საგანგებო სიტუაციების მართვის ცენტრში განუცხადეს, ადგილზე მობილიზებული არიან მეხანძრე-მაშველები, რომლებიც მთელი ღამის განმავლობაში მუშაობდნენ.
ადიგენში ადგილობრივებმა დაკვამლიანება გუშინ საღამოს შენიშნეს. მათივე ინფორმაციით, ხანძრის კერა დასახლებული პუნქტიდან დაახლოებით 8-10 კილომეტრშია.
