საპარლამენტო უმცირესობის ლიდერმა დავით ბაქრაძემ რუსთავი2-ის ირგვლივ მიმდინარე პროცესების შესახებ კიდევ ერთხელ ისაუბრა. პირადპირ ეთერში დავით ბაქრაძემ აღნიშნა, რომ გუშინ მოსამართლე ურთმელიძის მიერ მიღებული გადაწყეტილება არის “არაკონსტიტუციური და ის წინაღმდეგობაში მოდის საკონსტიტუციო სასამართლოს გადაწყვეტილებასთან.”
“გუშინ ორი რამ მოხდა. პირველი მოსამართლე, ე.წ. მოსამართე ურთმელიძე საკონსტიტუციო სივრციდან გავიდა. მან მიიღო გადაწყვეტილება, რომელიც საკონსტიტუციო სასამართლოს გადწყვეტილების არსს ეწინააღმდეგება. ამ გადაწყვეტილების ურთმელიძემ მისცა მაგალითი საქართველოს მოქალაქეებს, რომ ხელისუფლების დაკვეთით ის გავიდა საკონსტიტუციო სივრციდან. ურთმელიძე ისტორიაში შევა, რომ ის დედას გაემიჯნა. მან მიიღო ანტიკონსტიტუციური გადაწყვეტილება. მეორე, ძირეული გარდატეხა იყო ის, რომ თუ მანამდე არსებობდნენ ადამიანები, რომლებიც ამბობდნენ, რომ ეს არის კერძო დავა ასეთი ადამიანები აღარ დარჩნენ არც საქართველოში არც ქვეყნისს გარეთ. სახალხო დამცველმა მკაფიოდ დააფიქსირა დღეს საკუთარი აზრი.
რაც ქვეყნის გარეთ დღეს მოხდა იყო ნამდვილი კატასტროფა. პირველი იყო ამერიკის შეერთებული შტატების საელჩოს განცხადება, ამის შემდეგ საელჩოების საერთო განცხადება და ახალა უკვე ამერიკის სახელმწიფო დეპარტამენტის განცხადება. ეს ქვეყნისთვის ძალიან საზიანოა. ამიტომ არჩენვების გზით რაც შეიძლება მალე უნდა ჩამოვაშოროთ ეს ხელისუფლება მთავრობას სათავეს,”- განაცხადა დავით ბაქრაძემ.