ბათუმის დედათა და ბავშვთა ჯანმრთელობის ცენტრს, დღის განავლობაში, 150-მდე პაციენტი მიმართავს.
სეზონური ვირუსული დაავადებების შემთხვევათა მატების გამო, ბათუმის, ხელვაჩაურისა და ქობულეთის მუნიციპალიტეტების პოლიკლინიკები, პაციენტებს 09:00-დან 21:00 საათამდე მოემსახურებიან, საჭიროების შემთხვევაში მედიკოსები შეასრულებენ ბინაზე გამოძახებას.
პოლიკლინიკები დილის 9 საათიდან საღამოს 6 საათამდე სრული დატვირთვით იმუშავებენ, 18:00-დან 21 საათამდე პაციენტებს მომსახურებას მორიგე ექიმები გაუწევენ. მორიგე ექიმები პაციენტებს დასვენების დღეებშიც მოემსახურებიან.
შეგახსენებთ, რომ აჭარაში H1N1-ის ოთხი შემთხვევა ლაბორატორიულად დადასტურდა. ქვეყნის მასშტაბით მუშაობის საგანგებო რეჟიმზე გადავიდა სასწრაფო სამედიცინო დახმარების სამსახური.