ოკუპირებული ცხინვალის რეგიონის ე.წ. პრეზიდენტის მოვალეობის შემსრულებლის გადაწყვეტილებით, ე.წ. გამშვები პუნქტების სამუშაო განრიგი გაფართოვდა. ცვლილება ახალგორის რაიონის მცხოვრებლებს გადაადგილებას გაუადვილებს.
„რაზდახანის“ (ოძისის) გამშვები პუნქტი: იმუშავებს კვირაში 4 დღე — ხუთშაბათს, პარასკევს, შაბათს და კვირას, 08:00-დან 18:00 საათამდე.
„პერევის“ გამშვები პუნქტი: ღია იქნება კვირაში 3 დღე — სამშაბათს, ხუთშაბათს და შაბათს, 08:00-დან 18:00 საათამდე.
პარალელურად ცნობილი გახდა, რომ რუსეთის საგარეო საქმეთა სამინისტროს დადგენილების პროექტით, ოკუპირებული აფხაზეთის, ცხინვალის რეგიონისა და დნესტრისპირეთის მცხოვრებლებისთვის რუსეთის მოქალაქეობის მისაღები საკონსულო მოსაკრებელი 600 დოლარიდან 65 აშშ დოლარამდე მცირდება.
