აბაშის მუნიციპალიტეტში, კეთილარის ადმინისტრაციულ ერთეულში გულეიკარის გზის სარეაბილიტაციო სამუშაოები დაიწყო.
სოფელ გულეიკარში 2-კმ-იანი გზა მოასფალტდება.
აღნიშნულ გზაზე ასფალტის საფარი არასოდეს ყოფილა. პროექტის განხორციელების შედეგად უსაფრთხო და კომფორტული გზით ისარგებლებს, დაახლოებით, 800-მდე მოქალაქე. სარეაბილიტაციო სამუშაოები რამდენიმე დღეში დასრულდება.
პროექტი რეგიონებში განსახორციელებელი პროექტების ფონდიდან 100 000 ლარით ფინანსდება და მას ტენდერში გამარჯვებული კომპანია შპს „ინდიკო“ ასრულებს.