99 წლის ავსტრალიელმა მოცურავემ თავის ასაკობრივ ჯგუფში მსოფლიო რეკორდი დაამყარა 50 მეტრის თავისუფალ სტილში ცურვაში.
ჯორჯ კორონესმა ეს დისტანცია 56,12 წამში გაცურა ქვინსლენდის შტატში გამართულ შეჯიბრებაში. ის 100-104 წლის ასაკობრივ ჯგუფში გამოდიოდა – აპრილში ჯორჯს 100 წელი შეისრულდება. როგორც “ბიბისი” წერს, კორონესმა 2014 წლის საკუთარივე რეკორდი 35 წამით გააუმჯობესა. შედეგს სპორტული ფედერაცია ამოწმებს. თვითონ ჯორჯი ამბობს, რომ შედეგით კმაყოფილია.