მაკა ასათიანი და კოტე გოგელია ლევან გაჩეჩილაძესთან კონსულტაციებს არ აპირებენ

news
ავტ.: news მარტი 9, 2016 17:12

მაკა ასათიანი და კოტე გოგელია ლევან გაჩეჩილაძესთან კონსულტაციებს არ აპირებენ

მაკა ასათიანმა და კოტე გოგელიამ განცხადება გაავრცელეს, სადაც აღნიშნავენ, რომ ლევან გაჩეჩილაძესთან კონსულტაციების დაწყებას არ აპირებენ. მაესტროს შენობის მფლობელების განცხადებით, ისინი გაჩეჩილაძისა და მისი გუნდისგან იმ „უსამართლო ბრალდებებზე“, თითქოს მათ გაძარცვეს მაესტრო, განმარტებებს ითხოვენ.

„ასევე ველოდებით განმარტებას, რამდენად მისაღებია მათთვის ეგრეთ წოდებული რუსული ფულით შეძენილ შენობაში გააგრძელონ მოღვაწეობა და ვინაიდან უარს ვაცხადებთ მათ მივცეთ ამ შენობით სარგებლობის უფლება, დიდი ინტერესით დავაკვირდებით, თუ რომელი ქვეყნის ფულით შეძენილი შენობაში შესთავაზებენ ჟურნალისტებს ალტერნატიულ ფართს.

მივმართავთ მაესტროს გადარჩენის ლოზუნგით მოსულ „გუნდს“, რომლებმაც ასე წარმატებულად და ძალისმიერად მოახერხეს აეღოთ თავის თავზე პასუხისმგებლობა, ჩვენს მიმართ არსებულ ვალდებულებებზე, პირველ რიგში დაუყოვნებლივ უზრუნველყონ ვალების გადახდა და მხოლოდ ამის შემდგომ მისცენ თავიანთ თავს უფლება, ისაუბრონ სხვისი კერძო საკუთრების იმედად თავიანთი ბუნდოვანი გეგმების შესახებ.

ჩვენის მხრივ კი პირობას ვდებთ მაესტროელების წინაშე, რომ ვალდებულებების ფარგლებში დაბრუნებული თითოეული თეთრი მოხმარდება ისევ მაესტროს მაუწყებლობას, მის კიდევ უფრო გაძლიერებას და განვითარებას.

ერთგული ვრჩებით ჩვენი პრინციპის მიმართ, რომლის მიხედვითაც მაესტროს არ განვიხილავთ როგორც ცალკეულ ქონებას ან შპს-ს. ეს არის ძალიან ღირსეული ადამიანების ერთობა და კიდევ ერთხელ ვადასტურებთ, რომ არაფერს დავიშურებთ, რათა მისი მაუწყებლობა იყოს ხელშეუხებელი“, – აცხადებენ ასათიანი და გოგელია.

news
ავტ.: news მარტი 9, 2016 17:12

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


20,170
ვიზიტორი
დღეში
Powered By Google Analytics