უზენაესი სასამართლოს წევრობის კანდიდატთან ანა დოლიძესთან კითხვები მმართველი გუნდის წარმომადგენლებმაც დასვეს. საპარლამენტო უმრავლესობის წევრი გია ჟორჟოლიანი ანა დოლიძის წარსულში რესპუბლიკური პარტიის წევრობამ გააკვირვა და განაცხადა, რომ ეს წარსული ანა დოლიძის დამოუკიდებლობას ეჭვქვეშ აყენებს.
„ჩემთვის ცოტა გასაკვირი იყო, მე არ ვიცოდი, თუ ქალბატონი ანა იყო რესპუბლიკური პარტიის წევრი. მაინტერესებს თქვენი პოლიტიკური კუთვნილება ერთმანეთთან წინააღმდეგობაში თუ მოდის, რადგან ეს გარკვეულ წილად დამაეჭვებელია,“ – აცხადებს გია ჟორჟოლიანი.