ორი დღის წინ გატაცებული 17 წლის სამირა ბაირამოვას ოჯახის წევრებმა ფონიჭალაში აქცია გამართეს.
გატაცებულის ოჯახის წევრები პოლიციას დროული რეაგირებისკენ მოუწოდებენ. მათივე განცხადებით, სამირა ბაირამოვა ამ დროისთვის, სავარაუდოდ, მარნეულშია გადაყვანილი.
ოჯახის წევრების ინფორმაციით, სამირა ბაირამოვა სამი დღის წინ ოთხმა პირმა გაიტაცა. საქმეზე გამოძიება დაწყებულია 143-ე მუხლის პირველი ნაწილით, რაც თავისუფლების უკანონოდ აღკვეთას გულისხმობს. როგორც ცნობილია, გამტაცებელი არასრულწლოვანია.
ტელეკომპანია “რუსთავი 2”-ის ინფორმაციით, პოლიციისთვის უკვე ცნობილია, თუ რომელი ავტომანქანით გადაადგილდებოდნენ გამტაცებლები.
