კახეთში მომხდარმა ავტოავარიამ 5 ადამიანის სიცოცხლე იმსხვერპლა, 2 ადამიანი კი მძიმედ დაშავდა. არსებული ინფორმაციით, საგარეჯოს რაიონში სოფელ ბადიაურთან ერთმანეთს მსუბუქი ავტომობილი და მიკროავტობუსი შეეჯახა. დაშავებულები საავადმყოფოში არიან გადაყვანილი. მათი ჯანმრთელობის მდგომარეობა მძიმეა.
შსს-ს ინფორმაციით, მომხდარზე გამოძიება სსკ-ის 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.