საჯარო რეესტრში ტელეკომპანია „მაესტროს“ დირექტორის ცვლილების შესახებ განცხადება შესული არ არის. ცნობისთვის, პარტნიორთა კრებაზე მიღებული გადაწყვეტილებით, კომპანიის საკონტროლო პაკეტის მფლობელი გია გაჩეჩილაძე დირექტორად მის ძმას ლევან გაჩეჩილაძეს წარადგენს. 2016 წლის 1 თებერვლით დათარიღებული ამონაწერის თანახმად, შპს „სტუდია მაესტროს“ დირექტორი კვლავ ეთერ (ბაია) გადაბაძეა. კომპანიის წილების 55%-ის მფლობელია გიორგი გაჩეჩილაძე, მაკა ასათიანი წილების 25%-ს ფლობს, მამუკა ღლონტი 15%-ს, ხოლო ეკატერინე აკობია 5%-ს. საჯარო რეესტრის თანახმად, ამჟამად შპს „სტუდია მაესტროსთან“ მიმართებით, მიმდინარეობს გადახდისუუნარობის, ანუ გაკოტრების საქმისწარმოება. დოკუმენტის მიხედვით, კომპანიაში მამუკა ღლონტისა და ეკატერინე აკობიას წილებს ყადაღა ადევს.
