ლავროვის განცხადებებზე კომენტარის გაკეთებას საქართველოს პრეზიდენტი თავს არიდებს. თუმცა, გიორგი მარგველაშვილი დღეს ლავროვის განცხადების საპასუხოდ პანკისში ჩავიდა.
„მე არ ვაპირებ ლავროვის კომენტირებას,“ – აცხადებს გიორგი მარგველაშვილი, რომელიც დღეს პანკისში ევროკავშირისა და აშშ-ის ელჩებთან ერთად იმყოფებოდა.
„მე ვარ პანკისის ხეობაში, სადაც ჩემთან ერთად არიან ევროკავშირის და ამერიკის ელჩები. შეგიძლიათ, ვნახოთ, როგორი სიმშვიდეა აქ,“ – აცხადებს გიორგი მარგველაშვილი.
პრეზიდენტი რუსეთის პირველ დიპლომატთან არც შეხვედრას აპირებს.
გიორგი მარგველაშვილის განცხადებით, თუ ასეთი საუბარი შედგა, ეს მხოლოდ საგარეო საქმეთა მინისტრის დონეზე მოხდება.
