ატლანტიკის კასრით გადაცურვა ისე, რომ მხოლოდ ოკეანის დინება გამოიყენოს – ასე გადაწყვიტა ფრანგმა ჟან-ჟაკ სავინმა. “კასრი” ჰერმეტულად დახურულია, მასშია საწოლი, ხელსაბანი, საჭმლის და ინვენტარის შესანახი ადგილია. ჟან-ჟაკმა იეროდან დაიწყო მარშრუტი, რომელიც კანარის არქიპელაგში ყველაზე პატარა კუნძულია. მისი გათვლით, მან ანტილის კუნძულებს სამ თვეში უნდა მიაღწიოს.
“ამინდი კარგია, ტალღის სიმაღლე ერთი მეტრია და 2-3კმ/სთ-ით ვმოძრაობ” – ფრანგმა სააგენტო “ფრანს პრესს” ტელეფონით შეატყობინა. ჟან-ჟაკს “კასრში” ორი ბოთლი ღვინო აქვს შემონახული, თეთრი – ახალი წლის და წითელი – საკუთარი დაბადების დღის აღსანიშნავად, რომელიც 14 იანვარს აქვს
