თბილისის 71-ე ბაგა-ბაღში საზეიმო ღონისძიების დროს პიროტექნიკა აფეთქდა. აფეთქების შედეგად ერთმა ბავშვმა მსუბუქი დაზიანება მიიიღო, ის საავადმყოფოში გადაიყვანეს, თუმცა ამჟამად ბავშვი საავადმყოფოდან უკვე გაწერილია.
როგორც შსს-ში განაცხადეს, მომხდარ ფაქტზე საქმე სისხლის სამართლის კოდექსის 124-ე მუხლით აღიძრა, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.
აღნიშნული ფაქტი 71-ე საბავშვო ბაღში 26 დეკემბერს მოხდა.