დავით ნარმანიას ახალმა მოადგილემ, რომელიც თანამდებობაზე დედაქალაქის მერმა ცოტა ხნის წინ თავად წარადგინა, პირველი კომენტარი უკვე გააკეთა. ჟურნალისტებთან საუბრისას გიორგი ლილუაშვილი აცხადებს, რომ ქალაქში წინა დროიდან უამრავი პრობლემაა დაგროვილი და პრიორიტეტია ამ პრობლემების მოგვარება:
“იმდენი პრობლემა დაგროვდა ქალაქში წინა დროიდან, რომ მისი ერთბაშად მოგვარება ალბათ გამოწვევას წარმოადგენს და შევეცდებით, რომ უმოკლეს ვადებში დავამთავროთ პროექტები რაც დაწყებულია და კიდევ უფრო საინტერესო პროექტებიც შემოგთავაზოთ”. განაცხადა დედაქალაქის მერის ახალმა მოადგილემ გიორგი ლილუაშვილმა.