ვარდების მოედნიდან საშობაო ალილო დაიწყო. ტრადიციულ მსვლელობას წინ სასულიერო პირები ხატებით მიუძღვებიან. ღვთისმსახურები საკმეველს აკმევენ, ნაკურთხ წყალს ასხურებენ და მოსახლეობას ლოცავენ. მსვლელობაში მათ გარდა, მონაწილეობს მრევლი, ჩოხოსნები, ბავშვები.
ადგილზე იმყოფებიან სასულიერო პირები, მრევლი და სტიქაროსნები. ასევე მწყემსები, “მოგვები”. ურმები დატვირთულია ნობათით. ვარდების მოედანზეა დეკორატიული სპილოები, აქლემები, ჟირაფები, კუ. საკმეველს აკმევენ, ისმის გალობის ხმა.