თელავში მოკლულ საპატრულო პოლიციის თანამშრომლებს გელა ლამაზოშვილს და მაია ჯავახიშვილს დღეს დაკრძალავენ. თელავში იმყოფებიან შინაგან საქმეთა მინისტრი და მთავრობის წევრები.
შემთხვევა გასულ კვირას მოხდა. საპატრულო პოლიციის შენობის მიმართულებით 19 წლის ახალგაზრდამ ისროლა. მიყენებული ჭრილობის შედეგად გელა ლამაზოშვილი ადგილზე გარდაიცვალა, ხოლო მაია ჯავახიშვილი – საავადმყოფოში. პოლიციამ დანაშაულში ბრალდებული ცხელ კვალზე დააკავა.