“რუსთავი 2”-ის ინფორმაციით, 67-ე სკოლის დირექტორი მარიამ თავართქილაძე თანამდებობიდან გათავისუფლებულია და გადაწყვეტილება ამის შესახებ განათლების სამინისტრომ მიიღო. ჯერჯერობით ოფიციალური კომენტარი ამასთან დაკავშირებით უწყებაში არ გაკეთებულა.
67-ე საჯარო სკოლაში კოლექტივი და მშობლები ორად არიან გაყოფილი. ხმაური მას შემდეგ დაიწყო, რაც დირექტორმა ქიმიის პედაგოგი, დოდო კეზუა სამსახურიდან გაათავისუფლა. სკოლის ნაწილი მხარს კეზუას ნაწილი კი თავართქილაძეს უჭერს.
