თამარ სანიკიძე: შეტყობინება, რომ პოსტი უნდა დავტოვო, არ მაქვს

news
ავტ.: news დეკემბერი 24, 2015 13:24

თამარ სანიკიძე: შეტყობინება, რომ პოსტი უნდა დავტოვო, არ მაქვს

განათლების მინისტრის მოვალეობის შემსრულებლის თამარ სანიკიძის განცხადებით, მინისტრთა ახალი კაბინეტის წევრების შერჩევასთან დაკავშირებით, კონსულტაციები ჯერ არ გამართულა.

სანიკიძე გავრცელებულ ინფორმაციას გამოეხმაურა, რომლის თანახმად, მინისტრთა განახლებულ კაბინეტში ის განათლების მინისტრად აღარ განიხილება.

სანიკიძე ინფორმაციას არ ადასტურებს და აცხადებს, რომ კონსულტაციებს ადგილი არ ჰქონია და ამასთან დაკავშირებით ინფორმაციას არ ფლობს.

“ზოგადად, კანდიდატურებთან დაკავშირებით, როგორც წესი, იმართება ხოლმე კონსულტაცია. ასეთ კონცულტაციებს ადგილი არ ჰქონია. შეტყობინება, რომ პოსტი უნდა დავტოვო, არ მაქვს. ეს ინფორმაცია მედიიდან გავიგე. ალბათ თქვენ გყავთ ის სანდო წყარო, ვინც გაწვდით ამ ინფორმაციას და მისი სანდოობა წყაროდან უნდა გადაამოწმოთ. ვფიქრობ, რომ ნორმალური და ლოგიკურია, როცა ახალი პრემიერი მოდის და გუნდი კომპლექტდება. მის გადაწყვეტილებას უნდა დაველოდოთ. ჯერ დავაზუსტოთ, ვინ იქნება პრემიერი, შემდეგ მინისტრთა კაბინეტის წევრები. შესაბამისად, ეს გადაწყვეტილება იქნება თანმდევი და არა წინმსწრები”, – აღნიშნა სანიკიძემ.

news
ავტ.: news დეკემბერი 24, 2015 13:24

Google სტატისტიკა


2,535
ვიზიტორი
დღეში
Powered By Google Analytics