ბოლო 5 წლის განმავლობაში უკანონოდ გათავისუფლებულ თანამშრომლებს განაცდურის სახით სახელმწიფო ბიუჯეტიდან 650 ათასი ლარი გადაუხადეს. ინფორმაცია ამის შესახებ „ახალგაზრდა იურისტთა ასოციაციამ“ გამოითხოვა და კვლევას დღეს გაასაჯაროებს. საია-ში ამბობენ, რომ სამინისტროებსა და თვითმმართველ ქალაქებს 384 ყოფილი თანამშრომელი ედავება, საქმეების მესამედი უკვე დასრულებულია, აქედან უმეტესობა სახელწმიფომ წააგო. „საია-ში“ განმარტავენ, რომ უკანონო გათავისუფლებების გარდა, კიდევ ერთი პრობლემა წაგებული საქმეების საჯარო უწყებების მიერ სამივე ინსტანციაში გასაჩივრებაა, რის გამოც ბიუჯეტის ხარჯი კიდევ უფრო იზრდება.
