ავტორიტეტულმა ბრიტანულმა კომპანიამ Survation “რუსთავი 2-ის” დაკვეთით შესრულებული საზოგადოებრივი აზრის კვლევა გამოაქვეყნა.
საქართველოს 6 საარჩევნო ოლქში გამოკითხულია 1828 რესპონდენტი.
ბრიტანული კვლევითი ორგანიზაციის survation-ის მიერ დასმულ შეკითხვას, შიდა ქართლი: კასპი-გორის მაჟორიტარული ოლქში, დღეს რომ საპარლამენტო არჩევნები ტარდებოდეს მიიღებთ თუ არა მონაწილეობას მასში – 72% აცხადებს, რომ თითქმის დარწმუნებულია, 8% ალბათ მიიღებს მონაწილეობას, 50-50 – 14%, 6% კი ამბობს, რომ არ მიიღებს მონაწილეობას.
კასპისა და გორის მაჟორიტარული ოლქში, დღეს რომ საპარლამენტო არჩევნები ტარდებოდეს, მაჟორიტარობის რომელ კანდიდატს მისცემდით ხმას?
გიორგი ხოჯევანიშვილი “ქართული ოცნება” – 66,9%.
ბადრი ბასიშვილი “ერთიანი ნაციონალური მოძრაობა” -15,7%.
ლევან თარხნიშვილი “ევროპული საქართველო” – 7,4%.
პაპუნა კობერიძე “ლელო” – 5,6%.
კობა მაზანაშვილი “პატრიოტთა ალიანსი” -3,8%.
მაჟორიტარობის სხვა კანდიდატი – 0,6%.
ამავე ოლქში, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას? – 61,9% აცხადებს, რომ ხმას “ქართული ოცნებას” მისცემდა, 14,9% “ერთიან” ნაციონალურ მოძრაობას”, 5,7% – “ევროპულ საქართველოს”, – 5,7% გიორგი ვაშაძე – სტრატეგია აღმაშენებელს, 4,3% “ლეიბორისტულ პარტიას”, 2,7% – “პატრიოტთა ალიანსს”, 1,8% – “ლელოს”, 1,7% – “ერთიან საქართველოს”, 0,8% – “გირჩს”, თავისუფალ დემოკრატებს კი – 0,5%.
სამაუწყებლო კომპანიის დაკვეთით ავტორიტეტული ბრიტანული კვლევითი ორგანიზაცია survation გამოკითხვებს აწარმოებს მთელ საქართველოში.
ამჯერად კვლევები, თბილისის ორ და რეგიონების ოთხ მაჟორიტარულ ოლქში ჩატარდა.
კომპანია Survation-ს პოლიტიკური კვლევების და საზოგადოებრივი აზრის გამოკითხვის მრავალწლიანი გამოცდილება აქვს ყველაზე მნიშვნელოვან საარჩევნო პროცესებში, მათ შორის დიდ ბრიტანეთში.
კვლევის საველე სამუშაოები ჩატარებულია 12-19 სექტემბერს.