„600 მეტრზე ვიყავი მე… უცებ გამოვიხედე და გასასვლელი აღარ არის. დაბნელებული ყველაფერი, ხელის ფათურით, ბოდიალით, ნელ-ნელა… იმ ჰორიზონტზე ბევრი ხალხი იყო, მაგრამ არსაიდან სინათლე აღარ ჩანდა“- ტყიბულის შახტაში მომხდარ აფეთქებას დაშავებული იხსენებს. მისი თქმით, აფეთქების შემდეგ შახტიდან გამოღწევას თანამშრომლები საკუთარი ძალებით ცდილობდნენ.
დღეს დილით, შახტაში მომხდარი აფეთქების შედეგად 4 მეშახტე დაიღუპა 6 კი დაშავდა. დაშავებულთა ნაწილის მდგომარეობა მძიმეა. ორი დაშავებული კატასტროფის ბრიგადამ თბილისში გადაიყვანა, ხოლო ერთი მეშახტის მდგომარეობა მძიმეა და ექიმების განცხადებით, უცნობია დაექვემდებარება თუ არა ის ტრანსპორტირებას.