„ჩემ წინააღმდეგ ვერ გამოიყენებენ მაგას, იმიტომ რომ 600 ეკლესია მაქვს აშენებული ჩემი ინიციატივით, მათ შორის ბაგრატი…, – ამის შესახებ ექს-პრეზიდენტმა მიხეილ სააკაშვილმა „მთავარი არხის“ ეთერში განაცხადა გიგა ბოკერიაზე გაკეთებული განცხადების შემდეგ, რომ ყველაფერი, რასაც გიგა ბოკერია აკეთებს, ქართულ ტრადიციებისა და ქრისტიანობის საწინააღმდეგოა.
„ეკლესიაში არ არის მარტო საქმე, ეკლესია ერთ-ერთი ელემენტია. ჩვენი ცხოვრების წესი, ჩვენი ტრადიციები, ის რაც არის ყველაფერი ქართული და მნიშვნელოვანი, არაფერი ანტიდასავლური ამაში არ არის,- განაცხადა სააკაშვილმა.
ჟურნალისტმა ეკა კვესიტაძემ კი შეახსენა, რომ მსგავსი ბრალდებები აქვს „ქართულ მარშს, ირმა ინაშვილს, ყველა ანტიდასავლურ და პრორუსულ ძალას და მეტიც, იგივე ბრალდებები აქვთ მის მიმართაც.