47 წლის პაციენტის გარდაცვალებაში ოჯახი ქუთაისის ინტერვენციული მედიცინის ცენტრის მედპერსონალს ადანაშაულებს.
გარდაცვლილი პაციენტის დის ინფორმაციით, ქალი საავადმყოფოში კენჭის გავლის შეტევით გუშინ შეიყვანეს და მას სასწრაფო ოპერაცია მხოლოდ 12 საათის შემდეგ ჩაუტარდა.
ოჯახის ინფორმაციით, პაციენტი „კოვიდ-19“-ზე გამოკვლეული იყო და ვირუსი არ ჰქონდა.
„ვითხოვთ ექიმების კანონის სრული სიმკაცრით დასჯას. მომიკლეს და. 12 საათის მანძილზე არ გააკეთეს ოპერაცია, რომელიც სასწრაფოდ უნდა გაკეთებულიყო. ახლა კი გარდაცვლილსაც არ გვატანენ. „პისიარ“ ტესტის პასუხს ველოდებითო. არ ჰქონდა კოვიდი ჩემს დას, ამას ტესტის პასუხი ადასტურებს, რომელიც მანამდე გაკეთდა“, – განაცხადა გარდაცვლილის დამ, მანანა აფხაიძემ.
