კახეთში გზების რეაბილიტაციისთვის საავტომობილო გზების დეპარტამენტმა 96 516 528 მილიონი ლარის ღირებულების ორი ელექტრონული ტენდერი გამოაცხადა.
ცნობილია, რომ ტენდერები ვაზიანი-გომბორი-თელავის და თიანეთი-ახმეტა-ყვარელი-ნინიგორის საავტომობილო გზების მონაკვეთების რეაბილიტაციისთვის გამოცხადდა: ვაზიანი-გომბორი-თელავის გზის კმ1-კმ26 მონაკვეთზე დაგეგმილია 26.5 კმ სიგრძის გზის სრული რეაბილიტაცია. შესყიდვის სავარაუდო ღირებულება 69 188 499 ლარია.
რაც შეეხება თიანეთი-ახმეტა-ყვარელი-ნინიგორის გზას, რეაბილიტაცია კმ32-კმ43 მონაკვეთზე, ჯამში 12 კმ სიგრძის გზაზე, განხორციელდება. ტენდერის სავარაუდო ღირებულება 27 328 029 ლარია.
