პირველად ევროკავშირის არსებობის ისტორიაში ორგანიზაცია 42-ე მუხლის ამოქმედებას დასთანხმდა.
წესდების მიხედვით, თუ ევროკავშირის წევრი ქვეყანა საკუთარ ტერიტორიაზე შეიარაღებული აგრესიის მსხვერპლი ხდება, დანარჩენი წევრები ვალდებულები არიან, გაუწიონ მას დახმარება და მხარდაჭერა გაეროს წესდების 51-ე მუხლის შესაბამისად, რომელიც სახელმწიფოების თავდაცვის უფლებას ითვალისწინებს.
საფრანგეთმა ევროკავშირს 42-ე მუხლის ამოქმედების თხოვნით პარიზის ტერაქტების შემდეგ მიმართა.
ინიციატივა დღეს ბრიუსელში ევროკავშირის თავდაცვის მინისტერიალზე განიხილეს და პარიზს სრული მხარდაჭერა გამოუცხადეს.
