40-ზე მეტმა ქვეყანამ, ევროპის საინვესტიციო ბანკმა და ეკონომიკური თანამშრომლობისა და განვითარების ორგანიზაციამ შვეიცარიის ქალაქ ლუგანოში ხელი მოაწერეს დეკლარაციას, რომელიც უკრაინის აღდგენის გეგმას წარმოადგენს. უკრაინის პრემიერ-მინისტრ დენის შმიგალის თქმით, ხელისმომწერი სახელმწიფოებისა და მთავრობების მეთაურებმა პირობა დადეს, რომ მხარს დაუჭერენ უკრაინას აღდგენის გზაზე. დეკლარაცია შვიდ პრინციპზეა დაფუძნებული და ის უკრაინის აღდგენის კრიტერიუმებსა და მეთოდებს განსაზღვრავს.