ქობულეთში 4 წლის ბავშვზე მოძალადე მამაკაცს სასამართლომ წინასწარი პატიმრობა შეუფარდა.
შეგახსენებთ, რომ ორი დღის წინ, ქობულეთში, მამამ 4 წლის ბავშვზე იძალადა. არსებული ინფორმაციით, ბავშვი სასტიკად იყო ნაცემი.
ქობულეთის სამედიცინო ცენტრის ექიმ ირაკლი ბეჟანიძეს თქმით, ბავშვს სისხლჩაქცევა ორივე ბარძაყზე და თავის მიდამოებში აღენიშნებოდა.
როგორც შსს-ში განმარტავენ, მომხდარზე გამოძიება სისხლის სამართლის კოდექსის 126-ე მუხლის მეორე ნაწილით დაიწყო, რაც 1-დან 3 წლამდე ვადით პატიმრობას ითვალისწინებს.
რაც შეეხება მამის მიერ სასტიკად ნაცემ მცირეწლოვან ბავშვს, მისი ჯანმრთელობის მდგომარეობა სტაბილურია და ის სოციალური აგენტის მეთვალყურეობის ქვეშ იმყოფება.
