თბილისის საქალაქო სასამართლოში, დღეს, ე.წ. კორტების სპეცოპერაციის საქმეზე, იური ვაზაგაშვილის მეუღლე და მოკლული ზურაბ ვაზაგაშვილის დედა ციალა ვაზაგაშვილი დაიკითხება.
საქმის პროკურორის ინფორმაციით, დღესვე სასამართლოს ჩვენებას მისცემს კიდევ ორი მოწმე – სპეცოპერაციის დროს გარდაცვლილი ალექსანდრე ხუბულოვის მეგობარი და სპეცოპერაციის თვითმხილველი.
როგორც ცნობილია, ხუბულოვის მეგობარი გარდაცვლილი ხუბულოვისა და ბრალდებული ირაკლი ფირცხალავას ძმის ურთიერთობაზე ისაუბრებს. პროცესი სასამართლოში უკვე მიმდინარეობს.
