წულუკიანმა მოადგილედ ზურაბ ადეიშვილის კადრი დანიშნა

კულტურის, სპორტისა და ახალგაზრდობის მინისტრმა, თეა წულუკიანმა თავისი მოადგილეები წარადგინა. როგორც სამინისტროში გამართულ ბრიფინგზე წულუკიანმა განაცხადა, მისი პირველი მოადგილე კახა სიხარულიძე, მოადგილეები კი სოსო გიორგაძე და იოსებ ბაღათურია იქნებიან.
ვინ არიან წულუკიანია მოადგილეები.
კახა სიხარულიძის ბიოგრაფია: დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1984 წელს. 1984-1985წწ. იყო დიმიტროვის სახელობის საავიაციო ქარხნის გაზეთის კორესპოდენტი; 1985-1987წწ. გაზეთ “ახალგაზრდა კომუნისტის” კორესპოდენტი; 1987-1988წწ. თბილისის სახელმწიფო უნივერსიტეტის ჟურნალისტიკის ისტორიის კათედრის მეცნიერ–თანამშრომელი; 1988-1990წწ. გაზეთ “რესპუბლიკის” პოლიტიკის განყოფილების გამგე; 1990-1991წწ. გაზეთ “საქართველოს რესპუბლიკის” რედაქტორის პირველი მოადგილე; 1991-1992წწ. გაზეთ “განათლების” მთავარი რედაქტორი. 1992-1994წწ. საქართველოს საგარეო საქმეთა სამინისტროს საერთაშორისო ორგანიზაციების დეპარტამენტის I მდივანი, ნატოს სამმართველოს უფროსის მოადგილე (1994). 1994-1996წწ. საქართველოს კონსული თურქეთში; 1996-1999წწ. საბერძნეთში საქართველოს საელჩოს პოლიტიკური მრჩეველი; 1999-2000წწ. საქართველოს საგარო საქმეთა სამინისტროს ეუთოს სამმართველოს უფროსი, 2000-2001წწ. კულტურისა და ინფორმაციის დეპარტამენტების დირექტორი, 2001-2002წწ. სამინისტროს ოფიციალური წარმომადგენელი – “სფოუქსმენი”; 2002-2004წწ. საქართველოს საგარეო საქმეთა მინისტრის მოადგილე, პირველი მოადგილე და”სფოუქსმენი”; საქართველოს უშიშროების საბჭოს მდივნის მოადგილე (2004); 2004-2005წწ. საქართველოს საგარეო საქმეთა მინისტრის I მოადგილე. 2006 -2007წწ. საქართველოს საგანგებო და სრულუფლებიანი ელჩი ჩეხეთში; 2013-2018წწ. საქართველოს საგანგებო და სრულუფლებიანი ელჩი იტალიაში. არის ავტორი მონოგრაფიისა: “ვაჟა ფშაველას პუბლიცისტიკა” (1987). საკანდიდატო დისერტაციის თემა – “ვაჟა ფშაველას პუბლიცისტიკა”, დაიცვა 1987 წელს.

იოსებ ბაღათურიას ბიოგრაფია: დაიბადა 1967 წლის 14 იანვარს ქ. თბილისში. 1993 წ. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი (წარჩინებით). 1993 – 1996 წწ. გახლდათ შპს „ქართლის” იურიდიული სამსახურის უფროსი. 1998 წ. დაინიშნა საქართველოს მთავარი სამხედრო პროკურატურის სოხუმის რეგიონალური პროკურატურის პროკურორი (იანვარი- მაისი) . 1998 – 2002 წწ. გახლდათ საქართველოს მთავარი სამხედრო პროკურატურის თბილისის რეგიონალური სამხედრო პროკურატურის პროკურორი. 2002 წ. დაინიშნა თბილისის რეგიონალური სამხედრო პროკურორის მოადგილედ. 2004-2005 წწ. გახლდათ თბილისის რეგიონალური სამხედრო პროკურორის მოვალეობის შემსრულებელი. 2004 – 2006 წწ. პროკურატურაში შექმნილი სისხლის სამართლის რეფორმის კონცეფციის სრულყოფის – პროკურატურის სამუშაო ქვეჯგუფის წევრი. 2005 – 2008 წწ. გახლდათ საქართველოს გენერალური პროკურატურის საგამოძიებო ნაწილის განსაკუთრებით მნიშვნელოვან საქმეთა გამომძიებელი. 2008 წ. მოიპოვა საკლასო ჩინი – იუსტიციის სახელმწიფო მრჩეველი. 2008-2009 წწ. გახლდათ ზუგდიდის რაიონული სასამართლოს მოსამართლე. 2009-2012 წწ. გახლდათ გარდაბნის რაიონული სასამართლოს მოსამართლე. 2010 წ. (აპრილი-სექტემბერი) გახლდათ თეთრიწყაროს რაიონული სასამართლოს თავმჯდომარე მოსამართლე. 2011 წ. (მაისი-დეკემბერი) საგარეჯოს რაიონული სასამართლოს მოსამართლე. 2012-2014 წწ. გახლდათ რუსთავის საქალაქო სასამართლოს მოსამართლე. 2013 წლის სექტემბრიდან არის სისხლის სამართლის სისტემის რეფორმის უწყებათაშორისი საბჭოს სამუშაო ჯგუფის წევრი. 2014 წ. (მარტი-სექტემბერი) გახლდათ იუსტიციის სამინისტროს სსიპ სახელმწიფო სერვისების განვითარების სააგენტოს თავმჯდომარე. 2014 წლიდან არის სისხლის სამართლის ექსპერტთა სამუშაო ჯგუფის წევრი. 2014 წ. 17 დეკემბრიდან – დღემდე გახლავთ აღსრულების ეროვნული ბიუროს თავმჯდომარე. 2016 წლიდან არის კერძო სამართლის რეფორმის განმახორციელებელი უწყებათაშორისი საკოორდინაციო საბჭოს წევრი. ფლობს ინგლისურ და რუსულ ენებს.

სოსო გიორგაძის შესახებ მწირი ბიოგრაფილუ ცნობები მოიპოვება. გთავაზობთ 2020 წელს გავრცელებულ ინფორმაციას:
“საქართველოს იუსტიციის მინისტრის მოადგილის თანამდებობას პირველი ოქტომბრიდან სოსო გიორგაძე დაიკავებს. იუსტიციის სამინისტროს ინფორმაციით, ამის შესახებ საქართველოს პრემიერ-მინისტრის გადაწყვეტილება უკვე გამოცემულია.
„საქართველოს იუსტიციის სამინისტროს სისტემაში სოსო გიორგაძე 2013 წლიდან მუშაობს. სხვადასხვა დროს ის ხელმძღვანელობდა მოქალაქეობისა და მიგრაციის სამსახურს, შემდგომ სახელმწიფო სერვისების განვითარების სააგენტოს, ხოლო 2019 წლის ივნისიდან დღემდე იუსტიციის სახლის აღმასრულებელი დირექტორის თანამდებობას იკავებს.
საქართველოს იუსტიციის მინისტრ თეა წულუკიანისა და მისი პირველი მოადგილე მიხეილ სარჯველაძის გადადგომის შემდეგ, პირველი ოქტომბრიდან, სოსო გიორგაძე იუსტიციის მინისტრის მოადგილის რანგში საჯარო სერვისების მიმართულების კურატორი იქნება“,- აღნიშნულია იუსტიციის სამინისტროს ინფორმაციაში”.

ვირუსის ბლოკატორები
წინა სტატიაშიკალაძე ქრთამის ბრალდებით დაკავებულ თანამშრომელზე – გააფრთხილეთ თქვენი თანამშრომლები
შემდეგი სტატიაზუგდიდი-თბილისის მატარებელი ავტომანქანას შეეჯახა