გატაცებული საქართველოს მოქალაქის საკითხს დღეს ეუთოს მუდმივმოქმედ საბჭოზე განიხილავენ

სხვა სტატიები

• რომან კაკულია – ემოციური გადაწყვეტილება მეც შემეძლო, მაგრამ წასვლა უნდა უკავშირდებოდეს რწმენას
• ეკა ბესელიას კანონპროექტი ჩავარდა
• “საყოველთაო სიცრუის პირობებში, სიმართლის ლაპარაკი ექსტრემიზმია”! ჩემი მხარდაჭერა ბატონ გოჩა ბარნოვს!

რუსეთის საოკუპაციო ძალების მიერ გატაცებული საქართველოს მოქალაქის ზაზა გახელაძის საკითხს დღეს ეუთოს მუდმივმოქმედ საბჭოზე განიხილავენ.

„მოგეხსენებათ, ბოლო ინცინდენტის შემდგომ საგარეო საქმეთა სამინისტრომ დაუყოვნებლივ გააკეთა განცხადება, რასაც ჩვენი პარტნიორების მხრიდან მოყვა მტკიცე მხარდაჭერა სხვადასხვა დონეზე. მოგეხსენებათ, ამერიკის შეერთებულმა შტატებმა და სხვა პარტნიორებმა გააკეთეს მხარდამჭერი განცხადებები, რისთვისაც მათ ძალიან დიდ მადლობას ვუხდით. ასევე, დავით ზალკალიანის ბრიუსელში ვიზიტისას პარტნიორმა ქვეყნებმა გამოხატეს თავიანთი მტკიცე მხარდაჭერა. ჩვენ ვაგრძელებთ აღნიშნული საკითხების განხილვას საერთაშორისო ფორუმებზე. დღეს იქნება ეუთოს მუდმივმოქმედ საბჭოზე დაკავებების საკითხის განხილვა საქართველოს ოკუპირებულ ტერიტორიებზე“, – განაცხადა დარსალიამ, რომლის კომენტარსაც საგარეო უწყების პრესსამსახური ავრცელებს.