ბოლნისის სოფელ მუშევანში მკაცრი საკარანტინო შეზღუდვები ორშაბათიდან, 6 ივლისიდან მოიხსნება.
გადაწყვეტილება უწყებათაშორისმა საკოორდინაციო საბჭომ, ადგილზე არსებული ეპიდემიოლოგიური ვითარების ანალიზის საფუძველზე, დღევანდელ სხდომაზე მიიღო.
ცნობისთვის,სოფლის გახსნის გადაწყვეტილებამდე, მუშევანში ღრმა ეპიდემიოლოგიური კვლევა ჩატარდა. სოფელში გამოკვლეული 50-ზე მეტი პირიდან, კორონავირუსი არცერთს დაუდასტურდა.
მუშევანი, კორონავირუსის გავრცელების გამო, 2020 წლის 25 აპრილს ჩაიკეტა.