“ჩემზე, ერთ ხმაზე რომ ყოფილიყო დამოკიდებული, საკონსტიტუციო ცვლილებების განხილვაში მონაწილეობაზე შესაძლოა, სხვა გადაწყვეტილება მიმეღო”

region
ავტ.: region ივნისი 21, 2020 11:32

“ჩემზე, ერთ ხმაზე რომ ყოფილიყო დამოკიდებული, საკონსტიტუციო ცვლილებების განხილვაში მონაწილეობაზე შესაძლოა, სხვა გადაწყვეტილება მიმეღო”

ჩემზე, ერთ ხმაზე რომ ყოფილიყო დამოკიდებული, შესაძლოა, საკონსტიტუციო ცვლილებების განხილვაში მონაწილეობაზე სხვა გადაწყვეტილება მიმეღო, – ამის შესახებ „ნაციონალური მოძრაობის“ ერთ-ერთმა წევრმა, სალომე სამადაშვილმა განაცხადა.

„გვიან ღამემდე ვაწარმოებდით შესაბამის კონსულტაციებს როგორც პარტიის შიგნით, ისე ჩვენს საერთაშორისო პარტნიორებთან, რათა სრული სურათი შეგვექმნა, რა ბედი ელოდება საკონსტიტუციო ცვლილებებს. ამ შეთანხმების ყველა პუნქტი შესრულებული არ არის და პოლიტპატიმარი გიორგი რურუა რჩება საპატიმროში. კარგია, რომ სხვა ოპიიციური ფრაქციების წარმომადგენლებმა გადაწყვიტეს, რომ დააზღვიონ საკონსტიტუციო ცვლილებები და დღეს პირველი მოსმენით მხარს დაუჭერენ აღნიშნულ ცვლილებებს.

ამავე დროს, ვიდრე 8 მარტის შეთანხმების ყველა პუნქტი არ არის შესრულებული, ქვეყანაში გვყავს პოლიტპატიმრები, ჩვენ არ შეგვიძლია ვისაუბროთ რაიმე სახის წინსვლაზე დემოკრატიის თვალსაზრისით. სწორედ ამიტომ, ჩვენი ქვეყნის ყველაზე დიდი ოპოზიციური პარტია და მისი ფრაქცია „ერთიანი ნაციონალური მოძრაობა“ დღევანდელ კენჭისყრაში მონაწილეობას არ მიიღებს. თუმცა, თუ რაიმე შეიცვლება შემდეგ მოსმენებამდე, გადავხედავთ ჩვენ გადაწყვეტილებას.

ჩემზე, ერთ ხმაზე რომ ყოფილიყო დამოკიდებული, შესაძლოა, მიმეღო სხვა გადაწყვეტილება. მაგრამ ვინაიდან საკონსტიტუციო ცვლილებებს ჩვენი ხედვით საფრთხე არ ექმნება, ივანიშვილს გეგმა ჩაუვარდა, თუ ამ ცვლილების ჩაგდებას გეგმავდა“,- განაცხადა სამადაშვილმა.

region
ავტ.: region ივნისი 21, 2020 11:32

Google სტატისტიკა


4,431
ვიზიტორი
დღეში
Powered By Google Analytics