წულუკიანი შეხვედრაზე-ოპოზიციას აუხსნიან, რომ გერმანული მოდელი არაკონსტიტუციურია, სულ ესაა

region
ავტ.: region ნოემბერი 29, 2019 15:02

წულუკიანი შეხვედრაზე-ოპოზიციას აუხსნიან, რომ გერმანული მოდელი არაკონსტიტუციურია, სულ ესაა

იუსტიციის მინისტრი თეა წულუკიანი 30 ნოემბერს ხელისუფლებასა და ოპოზიციას შორის დაგეგმილ შეხვედრას გამოეხმაურა, სადაც საუბრის მთავარი საკითხი ოპოზიციის მიერ ქართული ოცნების მიერ შეთავაზებული გერმანული საარჩევნო მოდელი იქნება.

“კიდევ ერთხელ შეხვდებიან, ალბათ, და აუხსნიან უკვე ოფისის პირობებში, რომ გერმანული მოდელი კონსტიტუციას არ შეესაბამება. სულ ეს არის,”- ამბობს წულუკიანი.

ქართული ოცნების ერთერთმა ლიდერმა, ირაკლი კობახიძემ, თქვა, რომ დიპლომატიურ კორპუსთან გავლილი კონსულტაციის შემდეგ, ოპოზიციის წარმომადგენლებს შეხვდებიან. შეხვედრას დიპლომატიური კორპუსიც დაესწრება.

ოპოზიციური პარტიები, პოლიტიკოსები და სამოქალაქო საზოგადოება საერთო მოთხოვნის ირგვლივ მას შემდეგ გაერთიანდა, რაც ქართულმა ოცნებამ პირობა არ შეასრულა და პროპორციულ საარჩევნო სისტემაზე გადასვლის კანონპროექტი ჩააგდო.

მოთხოვნებს შორის პირველი ე.წ გერმანულ საარჩევნო მოდელზე გადასვლაა.

იმაზე, რომ ოპოზიციის მიერ შემუშავებული გერმანული საარჩევნო მოდელი კონსტიტუციას არ ეწინააღმდეგება, არაერთი ავტორიტეტული არასამთავრობო ორგანიზაცია, თუ კონსტიტუციონალისტი საუბრობს, მათ შორის საკონსტიტუციო სასამართლოს პირველი თავმჯდომარე ავთანდილ დემეტრაშვილიც.

თუმცა, ხელისუფლება კვლავ განაგრძობს მტკიცებას, რომ ასეთი მოდელი არაკონსტიტუციურია.

region
ავტ.: region ნოემბერი 29, 2019 15:02

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


14,472
ვიზიტორი
დღეში
Powered By Google Analytics