აფხაზეთის დე-ფაქტო რესპუბლიკის სამაშველო სამსახურების კატერი სოხუმიდან სოჭში ჩავიდა. უკანასკნელი 27 წლის მანძილზე პირველად გასცდა კატერი თვითგამოცხადებული რესპუბლიკის საზღვრებს – ამის შესახებ ადგილობრივი მედია სპეციალური სამსახურების მიერ გავრცელებულ ინფორმაციაზე დაყრდნობით წერს.
რეისის მიზანი რუსულ-აფხაზური დე-ფაქტო საზღვრის გადაკვეთის მექანიზმების შემუშავება და გადაკვეთის პროცედურების სხვადასხვა უწყებასთან შეთანხმება იყო.
შეგახსენებთ, რომ რუსეთის ფედერაციამ საქართველოს ნაწილი აფხაზეთი სუვერენულ რესპუბლიკად 2008 წელს აღიარა.